Gott at fólk boða frá tá tey renna á

Tað er ikki nógv at skriva heim um á døgnrapportini á løgreglustøðini í morgun, sigur vaktleiðarin.

Kortini vóru trý heilt smá ferðsluóhapp. Eitt í Eysturoynni og tvey í Havn.

Í øllum trimum førum vóru tað bilar sum líka tóku í ein annan bil og gjørdu skaða. Í síðsta førinum var tað ein bilførari, sum hevði lagt seðil í rútin á bilinum, hann hevði rent á, men tí tað regnaði so illa, var hann ikki vísur í at boðini komu fram.

- So hann spurdi um løgreglan kundi seta seg í samband við eigaran, og tað gera it fegin. Tað er gleðiligt at vit so fáa fatur á viðkomandi beinanvegin og kunnu vegleiða um hvussu slíkt gongur fyri seg. Tað er kanska heldur javnan, at fólk ikki boða frá, tá tey renna á, sigur vaktleiðarin.