Gravgangur eftir atgongumerkjunum til Týr og FSO

Í gjár kunngjørdi Norðurlandahúsið ætlanina um at halda tvær konsertir við Týr og Føroya Symfoniorkestri í februar mánaði næsta ár.

Í morgun byrjaði atgongumerkjasølan.

Og bert 30 minuttir eftir at sølan byrjaði var helmingurin av atgongumerkjunum seldur.

Tað upplýsir verkætlanarleiðarin hjá Norðurlandahúsinum, Lasse Thorning Jæger, í morgun.

Talan er um tvær konsertir, fríggjakvøldið 7. og leygarkvøldið 8. februar. Pláss eru fyri 800 fólkum hvørja ferð við tað, at talan er um standikonsertir, og bakveggurin út í Klingruna verður latin upp.

Les eisini: Týr og Symfoniorkestrið í samstarvi

Les eisini: Symfoniorkestrið hevur roynt tað fyrr