Grind funnin út fyri Viðvík

Tíðliga í morgun varð ein grind funnin út fyri Viðvík, og hon verður hildin til í Hvannasundi.

Ein bátur fann grindina klokkan 6.44 í morgun, og hon verður mett at vera rættiliga stór.

Ætlanin er at býta grindina til Klaksvík og bygdir í Eysturoynni, tí í Hvannasundi er nóg mikið eftir frá seinastu grindini, sigur Jens Jensen, sýslumaður við Portalin.

Grindin verður rikin á Hvannasund, og sýslumaðurin hevur lýst økið sum grindaøki. Grindaøkið er ein fjórðingur í hvørja ætt, og hetta er eisini galdandi fyri loftrúmið.

Tá øki verður lýst sum grindaøki merkir tað, at óviðkomandi ikki sleppa inn á økið, boðar løgreglan frá.