Grindin flytur seg

Merkta grindin úr Vestmanna, sum fyrsta mánaðin lá rættuliga støðuføst suður av Føroyabanka, er nú farin í ein útsynning, úr føroyskum sjógvi. Hon fór fyrst suður móti Rosemary-bankanum, og vendi síðan í ein beinan vestan, og er nú suður av Ytstabanka, skrivar Havstovan.

(Mynd: Havstovan)

Merkta grindin úr Bø, sum lá vestur av Flemish Kap, sendir ikki meira. Seinasti sendarin sløknaði 7. desember, eftir at hava sent í 185 dagar. Hetta er tað næst longsta sambandið, ið hevur verið við eina merkta grind.