Grønland: 57 ára gamal maður dripin

Í vesturgrønlendsku bygdini Niaqornat, doyði ein 57 ára gamal maður, eftir at hann varð skotin við riflu fríggjadag seinnapart.

Løgreglan í Grønlandi upplýsir, sambært Sermitsiaq, at ein persónur er handtikin og skuldsettur fyri manndráp.

Hvørki kyn ella aldur á persóninum er upplýst, og meðan málið verður kannað, kann løgreglan ikki koma við fleiri upplýsingum.

Lokala løgreglan hevur fingið hjálp frá tveimum løgreglufólkum og einum lækna úr Ilulissat – triðstørsta býi í Grønlandi – og mánadagin koma kriminalteknikarar og rættarlæknar frá ríkispolitinum.