Uttanlands

Grønland: Nærum eitt prosent av fólkinum eru heimleys

Fyri fyrstu ferð nakrantíð hava tey í Grønlandi gjørt eina uppgerð yvir heimleys – Uppgerðin er gjørd í samstarvi millum tær fimm kommunurnar í Grønlandi og grønlendska fróðskaparsetrið, Ilisimatusarfik

Nærum ein triðingur av teimum heimleysu í Grønlandi er í Nuuk

Nærum ein triðingur av teimum heimleysu í Grønlandi er í Nuuk

2022-10-29 11:59 Author image
Alda Nielsdóttir
placeholder

Fyri fyrstu ferð nakrantíð hava tey í Grønlandi gjørt eina uppgerð yvir heimleys í landinum, og uppteljingin vísir, at har í løtuni eru 491 heimleys í Grønlandi.

Hetta svarar til nærum eitt prosent av samlaða fólkatalinum, sum 1. juli var 56.661, skrivar Ritzau.

Uppgerðin er gjørd í samstarvi millum tær fimm kommunurnar í Grønlandi og grønlendska fróðskaparsetrið, Ilisimatusarfik.

Tey heimleysu eru deild í tveir bólkar – sjónligt heimleys og ósjónligt heimleys. Fyrri bólkurin er tann, ið sæst í býarmyndini. Tann, sum sæst á herbegunum ella á øðrum líknandi  gistingartilboðum. Hin bólkurin er tann, sum ikki neyðturviliga svevur á gøtuni men sum eitt nú sova hjá øðrum ella ikki sjálvi kunnu avgera, hvar tey vilja búgva.

Sambært grønlendska miðlinum Sermitsiaq eru 37 prosent av teimum heimleysu sjónliga heimleys, meðan 60 prosent eru ósjónliga heimleys. Restin ber ikki til at bólka orsakað av væntandi upplýsingum. Nærum ein triðingur av teimum heimleysu er í Nuuk.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder