Mánadagin avlýsti Fólkakirkjan allar gudstænastur, eftir at 16 nýggir smittutilburðir vórðu staðfestir tann morgunin. Seinastu dagarnar hevur talið á tilburðum tó verið nakað minni, og allir tilburðirnir hava verið partur av kendari smittuketu, og boðar Jógvan Fríðriksson, biskupur, nú frá, at gudstænastur verða aftur í morgin.
Biskupur skrivar soleiðis á heimasíðuna hjá Fólkakirkjuni:
– Í samráð við læknafrøðiligan myndugleika verður boðað frá, at gudstænastan komandi sunnudag, t.e. tríeindardag 30. mai 2021, verður sum ætlað.
– Í hesum sambandi verður víst til tað seinasta tilmælið, ið er dagfest 16. apríl 2021.
Vinarliga broyt tínar kennifíla - og privatlívsstillingar fyri at síggja hetta innihald