Guinea: Ebola kravt mannalív fyri fyrstu ferð síðan 2016

Vesturafrikanska landið Guinea hevur fyri fyrstu ferð síðan 2016 skrásett andlát í sambandi við ebola, upplýsir landsins heilsumálaráðharri, Remy Lamah fyri tíðindastovuni AFP.

Talan er um fýra andlát, sum eru skrásett í hesum sambandi.

Millum tey deyðu er ein sjúkrarøktarfrøðingur, sum gjørdist sjúk síðst í januar, og sum varð jarðað 1. februar. Hini trý vóru øll til jarðarferð hennara, og tilsamans vóru átta persónar tilstaðar við sjúkueyðkennum (leyst lív, bløðing og spýggju).

Tá virusið herjaði í Vesturafrika í árunum 2013 til 2016 doyðu 11.300 av teimum smittaðu.

Guinea var, sambært Ritzau, eisini miðdepilin fyri útbrotið. Har varð fyrsti tilburðurin staðfestur í endanum av 2013, áðrenn smittan spreiddi seg til grannalondini.