Hægri lønarlag og lægri skattatrýst hjálpir upp á bústaðarbyrðuna

Bústaðarbyrðan er seinastu árini vorðin tyngri orsakað av hækkandi bústaðarprísum.

Tó er bústaðarbyrðan enn ikki komin á sama støði sum fyri 10 árum síðani, sigur Betri Banki í sínari nýggjastu meting. 

Les eisini: Flestu hús í høvuðsstaðnum kosta væl omanfyri tríggjar milliónir

Hetta merkir, at sjálvt um prísurin á sethúsum er hækkaður nógv seinastu árini, er tað ikki vorðið fíggjarliga tyngri hjá einum miðal húsarhaldi at seta búgv í mun til fyri 10 árum síðani. Høvuðsorsøkirnar til hetta eru hægri lønarlag og lægri skattatrýst, og ikki minst eitt væl lægri rentustøði, ið ger tað bíligari at fíggja ein bústað í dag.

Bústaðarbyrðan í Tórshavn var 31 prosent í 2020 og miðal sethúsaprísurin var áleið 3,3 mió. kr. Í Klaksvík og í Eysturoynni var bústaðarbyrðan ávikavíst 20 prosent og 16 prosent í 2020.

Miðal sethúsaprísurin í Klaksvík og í bygdunum í Eysturoynni nærhendis nýggju tunnilsmunnarnar var áleið 2 mió. kr. í 2020, meðan miðal sethúsaprísurin í Eysturoynni sum heild var áleið 1,5 mió. kr.

Trýst á talvuna niðanfyri fyri at síggja hana í fullari stødd