Hægstirættur í Hollandi: Hells Angels er ein ólógligur felagsskapur

Rokkarabólkurin Hells Angels er til vanda fyri almenningin í Hollandi, og tí er talan um ein ólógligan felagsskap, staðfesti hægstirættur í Hollandi fríggjadagin.

Hægstirætturin staðfesti ein dóm frá 2019, sum merkir, at tað m.a. ikki er loyvt at vera í klæðum, sum verða sett í samband við Hells Angels.

Sambært Ritzau er hetta triðju ferð, at ein hollendskur dómstólur kemur til ta niðurstøðu, at Hells Angels skal upploysast.

Fyrstu ferð varð tað ein dómstólur í Utrecht í 2019. Dómurin varð tó kærdur til kærudómstólin í Arnhem-Leeuwarden, sum tó kom til sama niðurstøðu. Málið endaði síðani hjá hægstarætti.

Hells Angels varð stovnað í Kalifornia í 1948. Í 1960unum vórðu deildir settar á stovn aðra staðni í USA og síðani í øðrum heimspartum.