Hagstovan: Innflutningsvirðið minkað 956 milliónir krónur

Í tíðarskeiðnum september 2023 til august 2024 varð innflutt fyri 10,6 milliardir krónur.

Tað eru 955,7 milliónir krónur -ella góð átta prosent - minni enn undanfarnu tólv mánaðirnar, skrivar Hagstovan.

Minkingin í innflutninginum stavar í høvuðsheitum frá lægri innflutningsvirði á brennievni og skipum.

Innflutningurin av brennievni og øðrum oljum er minkaður 339,4 milliónir krónur - ella 17,5 prosent - sum í høvuðsheitum stavar frá lægri prísum.

Innflutningurin av maskinum, motorum, skipum og akførum er minkaður við 323,9 milliónum krónum - ella 10,4 prosent. Hetta er fyri tað mesta skip, skrivar Hagstovan.