Sverri Egholm
Norska kongafamiljan hevur fingið nýggjan hægsta eftir at Harald kongur í morgun legði árarnar inn.
Tað hevur við sær, at 53 ára gamli Hákun nú er vorðin kongur og 22 ára gamla Ingrid Alexandra er krúnprinsessa. Hon er tann fyrsta sum fær ágóðan av broytingini í grundlógini í 1990. Broytingin hevði við sær, at kvinnur fingu sama rætt at arva trónina í Noreg. Tað vil siga, at elsta barnið hjá kongi ella drotning er fyrstur í arvarekkjuni, líka mikið kyn.
Tá krúnprinsessan verður drotning, verður hon fyrsta kvinnuliga ríkisyvirhøvið í omanfyri 600 ár.
-
Hákun kongur her í miðjuni saman við Ólav kongi (abba sínum) og Harald kongi (pápa sínum). Myndin er tikin í 1982 (Mynd: Erik Thorberg/Reuters/Ritzau Scanpix)
-
Harald gjørdist kongur eftir at pápi hansara, Ólavur kongur, doyði í 1991, 87 ára gamal (Mynd: Bjorn Sigurdson/Reuters/Ritzau Scanpix)
-
Norska kongafamiljan við nú kongshjúnunum í miðjuni, børnunum Ingrid Alexandru krúnprinsessu og Sverre Magnus prinsi til vinstru, og Sonju drotning og Harald kongi til høgru (Mynd: Ntb Scanpix/Reuters/Ritzau Scanpix)
-
Fólk savnast frammanfyri kongshúsinum í morgun, nú boðini um at Harald kongur er deyður, bórust (Mynd: Lise Åserud/NTB/Ritzau Scanpix)
-
(Nynd: Ole Berg-Rusten/NTB/Ritzau Scanpix)
-
Haakon kongur her við konu síni, Mette Marit drotning til høgru og dóttrini, Ingrid Alexandru krúnrpinssu til vinstru (Mynd: Fredrik Varfjell/Reuters/Ritzau Scanpix)
Vinarliga broyt tínar kennifíla - og privatlívsstillingar fyri at síggja hetta innihald