Hált um alt landið

Tað er komið fitt av kava seinastu tímarnar, og boðað verður frá hálku um alt landið.

Boðini frá Landsverki í morgun eru soljóðandi: 

– Tað er hált um alt landið. Tað er jarðrok í ælunum. Koyrið varliga.

Boðað verður frá, at roknast kann við hálku m.a. í Kaldbaksbotni, á Dalavegnum til Viðareiðis, á Høgareyni, á Streymnesi, og á Tjørnuvíkarvegnum.

Av løgreglustøðini í Havn var í morgun upplýst, at kuldin tó ikki hevur havt stórvegis ávirkan á ferðsluna í nátt og tíðliga í morgun.

– Tað hevur kavað nógv í dag, og í morgun hevur verið eitt sindur av krapa, men tað er væl grivið. Har hava verið onkur lítil hálkuóhapp, men einki, sum hevði nakað uppá seg, sigur vaktleiðarin.