Hamas tikið 199 gíslar

Hamas hevur tikið 199 fólk til gíslar í Ísrael og flutt tey til Gaza, boðar ísraelski herurin frá sambært altjóða miðlum.

Boðað verður eisini frá, at í minsta lagi 291 ísraelsk herfólk hava latið lív undir álopinum hjá Hamas higartil, og tilsamans hava yvir 1.300 ísraelar latið lív.

Sambært heilsumyndugleikunum í Gaza hava í minsta lagi 2.750 palestinar latið lív í ísraelsku álopunum, skrivar DR.

Ísraelsku myndugleikarnir upplýsa, sambært Times of Israel, at tilsamans 3.968 fólk eru koyrd á sjúkrahús kring landið, síðan 7. oktober.