Handtikin í sambandi við harðskapsmál í Havn

Tað hevur verið eit friðarlig samdøgur hjá løgregluni. Tó so var eitt mál um húsaófrið í nátt.

Tann eini persónurin var ikki heilt til at sissa, og løgreglan tók hann við á støðina. Har svevur viðkomandi, og verður hann leyslatin seinni.

Eitt harðskapsmál frá vikuskiftinum er kannað nærri, og í dag skal støða takast til, um ein ávisir persónur skal varðhaldsfongslast í sambandi við tað.

Løgreglan handtók viðkomandi í gjár, og persónurin skal møguliga til grundlógaravhoyring í dag.

Tað var leygarmorgunin, at viðkomandi var farin inn í eini hús í høvuðsstaðnum. Harðskapur var framdur móti einum øðrum, sum síðani tørvaði læknahjálp.

Tann nú handtikni er kendur hjá løgregluni.

Dagført: 08.14