Hans Andrias nýggjur leiðari á Dagstovninum við Kráir

Á býráðsfundi 13. juli samtykti býráðið í Sunda kommunu einmælt at seta Hans Andrias Olsen í farloyvisstarvið sum leiðari á Dagstovninum við Kráir.

Hans Andrias byrjar í starvinum komandi týsdag, 1. september. Farloyvisstarvið er galdandi í eitt ár.

Hans Andrias Olsen er 41 ára gamal, uppvaksin í Klaksvík og er búsitandi í Norðragøtu.

Hans Andrias varð útbúgvin námsfrøðingur í 2014. Hann hevur starvast innan skúla, frítíðarskúla- og dagstovnsøkið, umframt serøkið.

Síðani 2019 hevur Hans Andrias starvast sum leiðari í Frítíðarskúlanum við Stórá í Runavíkar kommunu. Eitt stutt skifti starvaðist Hans Andrias sum leiðari á ungdómshúsinum Garnhúsið, og er sostatt ikki heilt ókendur í Sundalagnum.

Umframt fakligu eginleikarnar innan dagstovnaøkið hevur Hans Andrias nógvar royndir sum fótbóltsvenjari og leikari.

Sunda kommuna