Hanus Kamban við bók um antisemitismu

So er hann aftur við spildurnýggjari bók. Hanus Kamban, rithøvundi hevur tikið stóra stigið at skriva bók um eitt sera aktuelt og afturvendandi evni, nevniliga antisemitismu.

Lítið visti hann ella nakar annar um, at Ísrael tann 7. oktober í ár skuldi verða álopið av Hamas úr Gaza geiranum.

Hann hevur nú í longri tíð arbeitt við søguni um jødarnar og antisemitismu, og úrslitið fyriliggur í dag kl. 17, tá hann bjóðar til móttøku á Paname í Havn. Atli Brix Kamban fer at spæla nøkur løg til tiltakið.