Góð útlit eru fyri, at Hasfjord kann fara í sigling aftur í morginárini.
Tað boðar Strandferðslan frá á heimasíðuni.
Hósdagin seinnapart kom brek á fremra portrið á Hasfjord, og hetta hevði við sær, at skipið ikki fekk siglt av Gomlurætt aftur, og at steðgur var í ferðsluni á Sandoyarleiðini í nærum tveir tímar, meðan arbeitt var við at fáa portrið niður, so skipið kundi fara frá bryggju.
Av somu orsøk mátti Teistin venda við aftur til Skopunar og bíða eftir at sleppa aftur til bryggju á Gomlurætt.
Men klokkan 19.20 sama kvøldið bar til hjá Hasfjord at fara aftur til Havnar, har Mest stóðu klár at umvæla skaðan, og nú verður so boðað frá, at skipið væntandi fer í sigling aftur í morgin.
Vinarliga broyt tínar kennifíla - og privatlívsstillingar fyri at síggja hetta innihald