Hash funnið í bili í Havn

Í morgun steðgaði løgreglan einum 18 ára gomlum bilførara í Havn. Tað vísti seg, at viðkomandi einki koyrikort hevði, og tá løgreglan tosaði við hann, varnaðist løgreglan eisini, at bilurin luktaði av rúsevnum, og gjørdist skjótt greitt, at bilførarin var ávirkaður av hesum.

Blóðroynd er tikin av føraranum, og tá løgreglan rannsakaði bilin, varð ein lítil nøgd av hashi eisini funnin.

Klokkan átta í morgun var eisini eitt minni ferðsluóhapp í Leirvík, har ein kvinna misti tamarhaldið á bilinum á rendi á tvey vegskelti. Hetta elvdi so til, at bilurin byrjaði at leka olju, og mátti løgreglan senda boð eftir Landsverki at spula vegin.

Kvinnan fekk ongan álvarsligan skaða.