Hava fingið nakrar fráboðanir um stormskaðar

Seinasta samdøgrið hevur verið rættiliga fitt av vindi, og í hesum sambandi hevur løgreglan eisini fingið nakrar fráboðanir um vindskaðar.

Tær flestu fráboðanirnar komu inn fyrrapartin í gjár, og tað var einki álvarsamt. Í flestu førum var talan um tilfar, sum ikki var tryggjað. 

Fráboðanir eru komnar úr Suðuroynni, Skálafjørðinum, høvuðsstaðnum og norðurøkinum, sigur vaktleiðarin á løgreglustøðini í Havn.