Heðin Mortensen sent samkenslufjarrit til Keypmannahavnar

Heðin Mortensen, borgarstjóri í Tórshavnar kommunu, sendi í gjár samkenslufjarrit til Sophie Hæstorp Andersen, yvirborgmeistara í Keypmannahavn, har hann vegna Tórshavnar kommunu vísti samkenslu til teirra, sum vórðu rakt av hendingini í Field's fyrradagin.

Tað skrivar Tórshavnar kommuna á heimasíðuna.

– Vegna Tórshavnar kommunu vil eg vísa mína djúpastu samkenslu við íbúgvum í Keypmannahavn í hesu sváru løtu. Okkara tankar eru hjá ofrunum, teimum særdu, teirra avvarðandi, og øllum teimum, sum eru ávirkað av meiningsleysu hendingini í gjár. Vit standa við tykkum og stuðla tykkum, skrivaði borgarstjórin í heilsuni.

Les eisini: Løgmaður sent Mette Frederiksen samkenslubræv