Agnar Prestá
Fótbóltsfepur er framvegis í Klaksvík, og nú er aftur ein møguleiki hjá eldri fólki at venja fast "á plenuni".
Heilsufótbólturin í Klaksvík byrjaði í fjør sum ein verkætlan hjá FSF, Fróðskaparsetrinum og Klaksvíkar kommunu men varð í vár bjóðað út sum eitt kommunalt tilboð
Hetta verður skipað í tøttum samstarvi við KÍ og snýr seg um eitt skeið á 12 vikur, upplýsir klaksvik.fo.
Næsta skeiðið byrjar í næstu viku og verður frá 23. august til 10. november. Vant verður tvær ferð um vikuna á Djúpumýru. Venjingarnar vera mikukvøld klokkan 19:00 og fríggjamorgun klokkan 8.00, og aftur hesaferð standa Marjun Kalsø og Eydna Thomsen á odda fyri venjingunum.
Klaksvíkar kommuna upplýsir, at tað nú ber til at melda seg til heystskeiðið í heilsufótbólti. Tilboðið er ætlað øllum teimum, sum eru 60+, og øll sum melda seg til sleppa at luttaka.
Tilmeldingin er her
Vinarliga broyt tínar kennifíla - og privatlívsstillingar fyri at síggja hetta innihald