Heilsustarvsfólk fáa fyrstu skamtirnar

Nú klokkan 10 skuldi tíðindafundur byrja, har Kaj Leo Holm Johannesen fór at kunngera hvussu farið verður fram, tá teir fyrstu skamtirnir av koppsetingarevni koma til Føroya í næstum.

Tað verða starvsfólkini í heilsuverkinum, t.e. kommunulæknar og starvsfólk teirra, læknavaktirnar, sjúkrahúsini, sjúkraflutningstænastan, tey ið taka koronaroyndir og so starvsfólk í heilsu- og eldratænastuni, sum fáa teir fyrstu skamtirnar.