Heimafriður leitar eftir stuðlum at fíggja kanning

Umhvørvisstovan og felagið Heimafriður eru ikki samd um, hvør tað er, sum hevur eftirlitsmyndugleikan, tá tað ræður um skip, sum eru til ampa fyri borgarar orsaka av larmi.

Felagið Heimafriður heldur, at tað er Umhvørvisstovan, meðan Umhvørvisstovan heldur, at tað er viðkomandi kommuna.

Felagið Heimafriður hevur tí sett sær fyri, at fáa ein løgfrøðing at gera eina greining av hesum ivaspurningi.

Av tí at tað kostar at fáa eina slíka kanning gjørda, leitar felagið nú eftir fólkum, feløgum og fyritøkum, sum eru sinnað at stuðla felagnum fíggjarliga.

Lesið meira á lesarin.fo: Óvissa um eftirlitsmyndugleikan