Heineken ætlar at gevast við virkseminum í Russlandi

Hollendska bryggjaríið Heineken hevur nú tikið avgerð um at taka alt virksemi sítt úr Russlandi orsakað av innrásini í Ukraina.

Bryggjaríið hevði annars longu steðgað framleiðsluni og søluni í Russlandi fyribils, men í dag ásannar Heineken, at tað ikki er nóg mikið, og er avgerð tikin um at selja alt virksemið í Russlandi til nýggjan eigara.

Starvsfólkini í Russlandi fáa framvegis løn restina av árinum, skrivar Ritzau.