Henny á Líknargøtu heldur fram sum forkvinna

Fríggjadagin 7. mai var aðalfundur hjá Ferðavinnufelagnum á Hotel Føroyum.

Á aðalfundinum stóðu Aleth Nielsen, Sakaris Frederiksen, og Hans Jákup Kollslíð fyri vali, og vórðu øll afturvald. Tórstein Christiansen, tiltakslimur takkaði fyri seg, og í hansara stað varð Mimmy Vágsheyg vald, skrivar Vinnuhúsið.

Eftir at nevndin hevur skipað seg, er greitt, at Henny á Líknargøtu og Árni Olsen halda fram sum ávikavíst forkvinna og næstformaður.

Nevndin er nú skipað soleiðis:

• Henny á Líknargøtu, forkvinna
  
• Árni Olsen, næstformaður
  
• Hans Jákup Kollslíð
  
• Aleth Nielsen
  
• Sakaris Frederiksen
  
• Mimmy Vágsheyg, tiltakslimur