Innanlands

Hermann Mortensen trivnaðarstjóri í Tórshavnar kommunu

Hermann Mortensen hevur drúgvar og viðkomandi leiðsluroyndir innan trivnaðarøkið, m.a. sum trivnaðarstjóri í Almannaverkinum. Sjey umsóknir komu til starvið

Heðin Mortensen, borgarstjóri, Hermann Mortensen, nýggjur trivnaðarstjóri, og Jóan Petur Hentze, kommunustjóri (Mynd: Tórshavnar kommuna)

2024-02-01 18:46

Sverri Egholm

Tórshavnar býráð hevur í dag tikið avgerð um at seta Hermann Mortensen í starvið sum trivnaðarstjóri í Tórshavnar kommunu. Tað komu 7 umsóknir til starvið.

Hermann Mortensen er 48 ára gamal. Hann hevur drúgvar og viðkomandi leiðsluroyndir innan trivnaðarøkið, m.a. sum trivnaðarstjóri í Almannaverkinum.

Trivnaðarfyrisitingin í Tórshavnar kommunu fevnir í høvuðsheitum um dagstovnaøkið, skúlaøkið, barnavernd, mentan og ítrótt.

Vinarliga broyt tínar kennifíla - og privatlívsstillingar fyri at síggja hetta innihald