Herverk í Klaksvík

Í nátt fekk løgreglan eina fráboðan um herverk í Klaksvík.

Talan var um ein persón, sum hevði brotið ein rút í einum virkisbygningi. Rúturin var stórur - 115 x 240 centimetrar, upplýsir vaktleiðarin á løgreglustøðini í Havn.

Sum skilst er eingin tikin fyri herverkið enn. Boðað varð tó frá, at ein ókendur maður varð sæddur á staðnum, men hann rýmdi beint eftir hendingina.

Løgreglan sendi fólk á staðið at kanna málið, og sløkkiliðið setti eina plátu fyri rútin.