Ingi Samuelsen
Hetlendingar, sum mistu streymveitingina undir kavastorminum í desember, fáa nú endurgjald frá ravmagnsfelagnum.
BBC skrivar í dag, at 660.000 pund, svarandi til knappar 5,6 milliónir krónur eru á veg til Hetlands.
Í desember fór streymveitingin um stóran part av Hetlandi undir kavastormi. Fleiri túsund heim høvdu ikki streym, nøkur í fleiri dagar.
Les eisini: Hetland í streymloysi alla vikuna
Orkufelagið Scottish and Southern Electricity Networks, SSEN, lovar nú endurgjald til teir brúkarar, sum ikki høvdu fingið streymin aftur innan tvey samdøgur. Endurgjaldi er á upp til 700 pund – knappar 6.000 krónur.
2.700 brúkarar fáa endurgjald – tilsamans 660.000 pund. Tilsamans 5.200 heim mistu streymin.
SSEN mátti senda 150 teknikarar og linjufólk til Hetlands fyri at bøta um skaðarnar. Tey harðast raktu høvdu ongan streym í seks samdøgur, skrivar BBC.
Vinarliga broyt tínar kennifíla - og privatlívsstillingar fyri at síggja hetta innihald