Ingi Samuelsen
Komandi rakett útskjótingarstøðin í Unst í Hetlandi, SaxaVord UK Space Center, eigur ein leiklut í hendingini, tá ein fylgisveinur seinnapartin í dag verður skotin út í rúmdina í eini Falcon9 rakett hjá SpaceX.
Útskjótingin verður um trýtíðina seinnapartin av Cape Canaveral í Florida.
Hetlendska rakettstøðin SaxaVord hevur gjørt sáttmála við rúmdarfyritøkuna Lunasonde um at veita stuðul (launch and early operation support) til fylgisveinin Gossamer Piccolomini, sum skal setast í ringrás um jørðina.
Tá fylgisveinurin er komin upp á pláss, skal hetlendska støðin framhaldandi spæla ein leiklut við at taka niður dátur. Uppgávan hjá fylgisveininum er at skanna jørðina til tess at finna óbrúkt tilfeingi í undirgrundini, skrivar heimasíðan hjá SaxaVord í dag.
Vinarliga broyt tínar kennifíla - og privatlívsstillingar fyri at síggja hetta innihald