Hevði ikki aldur at koyra bil

Í gjárkvøldið, beint fyri klokkan hálvgum ellivu, fekk løgreglan eina fráboðan um ein bil, sum koyrdi eitt sindur óstøðugt eftir Hoyvíksvegnum í Havn.

Løgreglan sendi fólk út at kanna málið, og tað vísti seg, at førarin ikki hevði aldur at koyra bil. Hann var nevniliga bert 17 ára gamal.

Hvussu førarin fekk fatur á lyklunum veit vaktleiðarin á løgreglustøðini í Havn ikki at siga, men har stendur einki í døgnrapportini um, at bilurin er stolin, verður sagt.

Tann 17 ára gamli fær bót fyri at koyra uttan førararætt.