Sambært lóg skulu øll vera í trygdarbelti, tá tey eru í bili, og er talan um børn undir 15 ár er tað ábyrgdin hjá bilføraranum at tryggja sær, at tey eru rætt íbundin. Men í gjárkvøldið um 18-tíðina fekk løgreglan eina fráboðan um ein bilførara, sum koyrdi við einum leysum barni.
Talan var um eitt smábarn, sum var frammanfyri ímillum føraran og róðrið, sigur vakthavandi á politistøðini.
Løgreglan fekk fatur á bilføraranum, og hann játtaði at hann hevði koyrt við einum barni, sum ikki var íbundið.
Eru børn ikki rætt íbundin, kostar tað føraranum eitt klipp í koyrikortið umframt eina bót, og tað var júst tað, sum hesin førarin fekk.
Vinarliga broyt tínar kennifíla - og privatlívsstillingar fyri at síggja hetta innihald