Hevði rúsevni í kroppinum við komu til Føroya

Tá Norrøna legði at í gjár, tók TAKS ein persón til síðis. Illgruni var um, at viðkomandi hevði rúsevni á sær ella í kroppinum, og so var.

Løgreglan upplýsir, at hesin maðurin hevði rúsevni í endatarminum. Hetta vísti ein kanning á Landssjúkrahúsinum. Talan var um eitt sindur yvir 30 gramm av hassji.

Talan var um ein føroying í tjúguárunum. Hann fær eina bót fyri hetta - av tí at mongdin ikki er størri, verður revsingin ikki meira enn tað.