Hevur Jan Lamhauge og Rólant Waag Dam afturat sær

Í gjár kom fram, at danski miðilin Frihedsbrevet letur upp eina redaktión í Føroyum, og tað verður við journalistinum Barbaru Holm á odda sum blaðstjóra.

Frihedsbrevet er kritiskur gravandi journalistikkur, og tað verður ikki í einari einmansredaktión at tað verður gjørt. Afturat sær, hevur Barbara Holm tveir tungvektarar, sum eru kendir úr Kringvarpinum.

Talan er um Jan Lamhauge og Rólant Waag Dam.

Hetta kemur fram á Mediawatch.dk, sum skrivar um víðkanina av Frihedsbrevet.

Hóast tað eitur Frihedsbevet, so verður tað ein føroyskur miðil sum í næstum sær dagsins ljós. Tað verður við egnari heimasíðu og app. Evnini vera í høvuðsheitum politikkur, vinna, fíggjarpolitikk og mentan, sum verða givin út í tíðindabrøvum, greinum og poddum.

Les eisini: Føroyar fáa nýggjan miðil