Hitamet í Stórabretlandi tveir dagar á rað

Í dag varð nýtt hitamet sett í Stórabretlandi.

Nær við høvuðsstaðin London kom hitin upp á 35 stig, og so heitt hevur tað ongantíð áður verið í Stórabretlandi í mai, boðar bretska veðurstovan, Met Office frá.

Hetta er annar dagur á rað, at bretskt hitamet er skrásett. Í gjár vórðu nevniliga skrásett 34,8 stig í London.

Tað er hiti úr Norðurafrika, sum vanliga er orsøkin, men hetta hendir vanliga ikki fyrr enn mitt á sumri.

Áðrenn nýtt met varð sett mánadagin var metið 32,8 stig, og tað varð skrásett í 1922 og aftur í 1944.