Alda Nielsdóttir
Amerikanski uttanríkismálaráðharrin, Mike Pompeo, er nú komin til Danmarkar.
Klokkan 9.45 okkara tíð byrjaði fundurin millum hann og danska forsætisráðharran, Mette Frederiksen á Marienborg norðanfyri Keypmannahavn.
Talan er tó ikki um nakran langan fund, tí longu klokkan 11 føroyska tíð, byrjar fundurin við danska uttanríkismálaráðharran, Jeppe Kofod, har føroyski landsstýrismaðurin í uttanríkis- og mentamálum, Jenis av Rana, og grønlendski landsstýrismaðurin í uttanríkismálum, Steen Lynge, verða til staðar.
Hesin fundurin verður hildin í danska uttanríkismálaráðnum.
Aftaná fundin – klokkan 13.15 – verður tíðindafundur.
Eitt mál, sum verður umrøtt á fundinum, er Arktis.
Teir tríggir ráðharrarnir í Ríkisfelagsskapinum hittust til fyrireikandi fund í gjár, og teir siga seg ásanna, at har kunnu uppstanda áhugamálsstríð, men at tað ikki má fáa ávirkan á trygdarpolitisku støðuna í Arktis.
Les eisini: Jenis av Rana: Arktis má ikki gerast spæliplássið hjá stórveldunum
Vinarliga broyt tínar kennifíla - og privatlívsstillingar fyri at síggja hetta innihald