Hizbollah váttar: Nasrallah er dripin

Fyrr í dag boðaði ísraelski herurin frá, at hann hevði dripið, Hassan Nasrallah, sum hevur verið ovasti leiðari hjá Hizbollah-rørsluni síðan 1992, og Hizbollah váttar nú í einari fráboðan, at Nasrallah er deyður.

Í fráboðanini skrivar Hizbollah eisini, at rørslan fer at halda fram at stríðast móti Ísrael til frama fyri Gaza og Palestina og fyri at verja Libanon og fólkið í landinum.

Sambært ísraelska herinum varð Hizbollah-leiðarin dripin í einum loftálopi á høvuðssætið hjá Hizbollah í Dahieh, sum er ein forstaður í høvuðsstaðnum Beirut, skrivar Ritzau.

Ein annar Hizbollah-leiðari, Ali Karaki og aðrir limir vórðu dripnir sambært ísraelska herinum.

Les eisini: Ísrael: Ovasti leiðarin í Hizbollah deyður