Listafólk fara at fáa hjálparpakka aftur til 1. mei í fjør, og samlaða upphæddin í hjálparpakkanum hækkar uppí 2 milliónir krónir.
Tað er ein samd Mentanarnevnd, ið hevur tikið undir við broytingaruppskotinum.
– Eg fegnist um, at tað hevur borið til at fáa semju í Mentanarnevndini um uppskotið, sigur Beinta Løwe, forkvinna í Mentanarnevndini í Løgtinginum.
– Bæði samgonga og andstøða í nevndini hava gjørt eitt stórt arbeiði fyri at fáa semju og bøta um listapakkan til listafólk.
Upprunaliga uppskotið frá landsstýrismanninum gav listafólkum hjálparpakka frá 9. desember í fjør til 31. januar í ár, og samlaða upphæddin var sekshundraðtúsund krónur.
Men Mentanarnevndin hevur broytt uppskotið, so hjálparpakkin gongur aftur til 1.mei í fjør, og samlaða upphæddin er nú 2 milliónir krónur.
Tjóðveldi
Vinarliga broyt tínar kennifíla - og privatlívsstillingar fyri at síggja hetta innihald