Horvin bilur funnin

Seint leygarkvøldið eftirlýsti løgreglan ein bil, sum var horvin í Havn. Talan var um ein blágrønam Nissan Micra árgangur 2015.

Um middagsleitið í gjár boðaði løgreglan so frá, at bilurin var funnin aftur.

Løgreglan upplýsir í morgun, at bilurin varð funnin aftur í Havn eitt sindur frá har, sum hann hvarv. Bilurin var í góðum standi við lyklum og øllum, og at hann hevði ongan skaða fingið.

Hvør hevði tikið bilin, veit løgreglan ikki, og sum skilst hava tey heldur eingi spor at ganga eftir.