Høvdu trupulleikar av parkeraðum bilum

Nógv fólk hava verið á Summarfestivali í Klaksvík, lagið var gott, og hevur løgreglan ongar álvarsligar hendingar skrásett frá festivalinum, upplýsir vaktleiðarin á løgreglustøðini í Havn.

Tó hevur løgreglan seinasta samdøgrið brúkt nógva tíð uppá at fáa fatur á bileigarum sum høvdu parkerað so illa, at bilarnir vóru til ampa fyri ferðslu.

Eitt nú hevði onkur parkerað har, sum samarittarnir hildu til, og var sjúkrabilur ikki sloppin á staðið, um tørvur hevði verið á tí.

Eisini var onkur, sum ikki slapp av festivaløkinum við tøkniútgerð orsakað av illa parkeraðum bilum.