Hoyvíkingar og kaldbaksfólk fáa ein prest afturat

Nú verður søkt eftir nýggjum sóknarpresti afturat til nýggju sóknina í Suðurstreymi, sum hevur fingið heitið Suðurstreymoyar norðrara prestagjald, og sum umfatar kirkjurnar í Hoyvík og Kaldbak.

Marjun Bæk, pensjóneraður sóknarprestur, hevur røkt prestakallið í eini royndartíð, men gavst um ársskiftið.

Síðan hevur sóknin fingið játtað ein prest afturat, og nú lýsir bispur eftir sóknarpresti í føstum embæti. Ætlanin er, at nýggi presturin kann taka við umleið 1. august, verður sagt í lýsingini, sum sæst á heimasíðuni hjá fólkakirkjuni.

Theodor Eli Dam Olsen hevur røkt prestastarvið síðan Hoyvíkar kirkja varð tikin í nýtslu fyri 12 árum síðani.