Agnar Prestá
Løgreglan hevur ymisk "amboð", tá mál skulu uppklárast. Eitt av teimum umráðandi eru hundar, og í gjárkvøldið gjørdist ein hundur "hetjan".
Tá klokkan nærkaðist midnátt kom fráboðan um innbrot var á einum skeinkistaði í miðbýnum í Havn. Har var nakað av rúsdrekka tikið.
Løgreglan var skjótt á veg, og teir báðir tjóvarnir noyddust at blaka í øllum førum ein part av tí, sum teir høvdu tikið, frá sær.
Persónarnir skuppu til rýmingar í fyrstu syftu, men ein løgregluhundur kom á staðið og fór at lukta. Hundurin fann seg fram rúsdrekka, og harfrá kundu hann og løgreglufólkini arbeiða víðari. Vakmyndatólinum var eisini á staðnum.
Løtu seinni vórðu tveir persónar tiknir fyri innbrot, og eftir eina nátt á støðini er avhoyring á skránni í dag. Helst verða persónarnir skuldsettir fyri júst innbrot.
Vinarliga broyt tínar kennifíla - og privatlívsstillingar fyri at síggja hetta innihald