Hvítarussland 20 fangar náðaðir

Aleksandr Lukasjenko, forseti í Hvítarusslandi, hevur náðað 20 fangum, sum eru dømdir fyri ekstremismu, skrivar hvítarussiska tíðindastovan Belta.

Allir 20 fangar hava angrað gerðir sínar og hava søkt um náði. Millum teirra vóru 14 við kroniskum sjúkum, og 11 kvinnur. 10 av fangunum hava børn.

Innlendismálaráðið í Hvítarusslandi fer at halda eyga við fangunum fyri at tryggja, at teir ikki fremja fleiri lógarbrot.