Hvør er ársins fyrstihjálpari 2024?

Hvør skal verða ársins fyrstihjálpari 2024?

Reyði Krossur sóknast nú eftir uppskotum til, hvør skal heiðrast sum ársins fyrstihjálpari, og øll kunnu senda uppskot inn.

– Ver við til at varpa ljós á týdningin av fyrstuhjálp og heiðra teimum, sum hava gjørt nakað serligt

– Tey, ið eru í uppskoti, skulu í farna árið á serligan hátt hava givið kropsliga ella sálarliga fyrstuhjálp, skrivar Reyði Krossur Føroya.

Heiðurslønirnar fyri ársins fyrstihjálpari og ársins barnaheiður 2024 verða handaðar á almennum tiltaki í februar 2025, og freistin at senda inn uppskot er 5. februar 2025.

Uppskot kunnu sendast inn umvegis heimasíðuna hjá Reyði Krossi, við telduposti til [email protected], ella við brævi til: Reyði Krossur, Stiðjagøta 6, 100 Tórshavn.