Hylurin á Landssjúkrahúsinum aftur í nýtslu mánamorgunin

Hylurin á Landssjúkrahúsinum hevur verið stongdur vegna feriu í augustmánaða og letur upp aftur mánadagin 5. september. Hesum boðar Landssjúkrahúsið frá í kvøld.

Ábøtur eru gjørdar og í vikuni varð vatn fylt í aftur hylin.

Landsstýrismaðurin hevur í ár oyramerkt pening til fleiri viðgerðir í heittvatnshylinum á Landssjúkrahúsinum og starvsfólk er sett fyri játtanina

Hylurin hevur verið brúktur nakað gjøgnum árið, men við oyramerktu játtani, er møguleiki at gagnnýta hylin enn meira.

Øll tey, ið eru á bíðilista, sleppa framat, sigur Landssjúkrahúsið.

Viðgerðartilboðini í heittvatnshylinum eru við vegleiðing av fysio- ella ergoterapeuti ella øðrum útbúnum starvsfólki.