Í fongsul fyri at hótta starvsfólk hjá Taks

Føroya rættur dømdi í gjár ein mann fyrst í 50'unum sekan í at hótta alment sett starvsfólk. Maðurin fekk 30 daga treytaleysa fongsulsrevsing.

Tað veit Kringvarpið í dag.

Í telefonsamrøðu við starvsfólk í einum banka, hevur maðurin hótt starvsfólk á Taks við at siga: "Einki forðar mær í at fara oman at drepa øll í Taks", og "Fái eg ikki peningin nú, so brúki eg vápn".

Maðurin hevur 14 dagar at umhugsa, um dómurin skal fyri hægri rætt.