Í minsta lagi 100 palestinar dripnir í hersettum økjum í ár

Leygardagin varð ein 18 ára gamal palestinskur maður skotin til deyðis í hersetta Eysturjerusalem,

Og hesin maðurin gjørdist 100. palestinin, sum er dripin í hersettum økjum í ár, skrivar bretska kringvarpið.

Uppgerðin vísir eisini, at 2022 er ávegis til at blíva tað mest blóðugta árið fyri Vestara Áarbakka síðan 2015.

Meginparturin av teimum dripnu eru dripnir av ísraelskum trygdarliðum og vápnaðum sivilum ísraelum, skrivar BBC.