Í sigling um ein mánað

Nú nærkast at nýggja avloysaraskipið hjá Strandferðsluni, Erla Kongsdóttir, kemur til Føroya og í sigling.

Strandfaraskip Landsins yvirtaka nýggju tríkiljuna tann 24. oktober, og gongst sum ætlað verður Erla Kongsdóttir sett í sigling um ein mánað, upplýsir Hilmar Eliasen, stjóri á Strandferðsluni fyri útvarpinum.

Erla Kongsdóttir byrjar á Nólsoyarleiðini tá Ternan skal í dokk í næstum, men báturin kann brúkast á flestu leiðum, um brúk er fyri tí. Smáar tillagingar á atløgubryggjunum kring landið skulu tó gerast.

Tríkiljan er 27 metar lang, tekur 96 ferðafólk, lættari farm og upp til tríggjar bilar. Siglingartíðin millum Nólsoy og Havnina verður umleið 12 minuttir.