Icelandair fer skjótt undir føroyaflúgving

Icelandair fer 1. mai undir regluliga flúgving millum Vága Floghavn og Keflavík í Íslandi.

Í tí sambandi skipaði íslendska flogfelagið fyri familjudegi í SMS.

(Mynd: Icelandair)

Flogið verður fimm til seks ferðir um vikuna frá 1. mai til síðst í oktober. Úr Keflavík hevur Icelandair 17 flogrutur til USA.

Eisini verður sagt, at ætlanin er at økja um samstarvið við Atlantic Airways so kundar lættari kunnu ferðast í Evropa og Norðuramerika.

- Vit hava merkt stóran áhuga fyri føroyaflúgvingini, serliga í Norðuramerika, sigur Tómas Ingason, sølustjóri í Icelandair, sum fegnast um, at flúgvingin verður tikin upp aftur.

Eisini Guðrið Højgaard, stjóri í Visit Faroe Islands fegnast.

- Vit eru spent og glað fyri nýggju rutuna til Íslands, sum kemur okkum møguleika t økja um talið av gestum úr USA, sigur Guðrið Højgaard.