Ikki greitt hvør gjørdi herverkið

Klaksvíkingar og onnur sum komu koyrandi til Klaksvíkar hósmorgunin í síðstu viku fingu helst ein skelk í rundkoyringini í Borðoyarvík.

Onkur hevði hongt eina hvalakúlu upp á húkin aftaná lítla grindadrápið, sum hevði verið í Hvannasundi mikudagin.

Men enn er ikki greitt hvør tað er, sum hevur gjørt hetta. Vakthavandi á løgreglustøðini í Havn sigur við útvarpið, at tey hava onkra slóð at elta í málinum, men kanningarnar eru ikki lidnar enn.

Løgreglan vil framvegis frætta frá fólki, sum halda seg hava sæð ella vita okkurt, sum kann hava samband við málið.

Sí eisini: Myndir: Hvalakúlan á húkinum

(Mynd: Sverri Egholm)